《食評》君立咖啡室 - 九龍灣 ． Cafe 15 - Kowloon Bay

西餐篇

呢間餐廳係一間九龍灣酒店入面

今次食既係佢聖誕節中午set

每位只係$168再加一

食物質素唔差 擺盤有心思

以聖誕節黎講係十分抵食

• 食物

香檳

每個套餐都跟一杯 
味道上無特別 普通香檳應有的質素


燻三文魚配蘇格蘭麥餅

左邊燻三文魚應該係因為落左欖油既關係 
就咁食會覺得魚比較油
但配埋沙律菜既清新中和下就岩岩
三文魚本身既味道都唔錯 好大塊及好厚身
右邊三文魚無咁油 包成一朵花咁幾靚
底下配有蘇格蘭麥餅 口感食落似厚實版熱香餅
兩塊三文魚中間放左一啲酸酸地既cream
將蘇格蘭麥餅配埋啲cream食意外地夾 

南海青口忌廉濃湯

個湯要讚下 其質感十分creamy
但飲落唔會令人覺得膩 海鮮味極重
可惜既係湯中並無海鮮
只有兩粒面包係湯上面

燒聖誕火雞及火腿配小紅莓汁

聖誕節又點少得火雞呢？
盤上包括兩大片火雞 
應該一片胸肉一片脾肉
火腿就有三片 三片都非常厚實
火雞肉出名偏孩同結實
所以都預左佢唔會好嫩 
胸肉比較乾 食落口感較瘦
而脾肉個塊就唔錯 幾滑 
火腿調味岩岩好 唔會太咸 亦有加熱處理
除左肉外 亦有好多蕃薯作為伴碟 
份量十足 食後係非常飽

英國波克夏黑白毛豬伴鴨肝配蘋果汁

豬肉意外地幾好味
肥瘦適中 肉質嫩滑
無任何乾爭爭既感覺
份量亦幾大塊 
少見地用蘋果汁做調味 
味道甜甜地 質感濃郁 
同豬肉幾夾 感覺幾特別
鴨肝味道普通 口感偏肥 食落口比較油

樹頭蛋糕

遠睇時會更逼真
其實樹頭蛋糕就係朱古力忌廉蛋糕
味道上不過不失 算係一道不錯的飯後甜品
整得幾靚 女仔見到應該會覺得開心

棉花糖咖啡

整得十分之靚啊！
上層是一朵棉花糖花 下面滿佈棉花糖 中間有少許cream
底層是濃郁的咖啡 味道不錯
另外左邊係雜莓玫瑰花茶
成壺任你自己斟 飲完仲可以再加 

• 環境

佢既佈置令人感覺輕鬆溫馨
橙黃色燈光配木白相襯既家具
令人好有家既感覺 覺得好舒服
枱亦唔會放得好近 有適當既空間

估計因為呢度環境唔算太浪漫
所以當日食既係家庭為主
餐廳一旁位置亦有一個兒童遊樂區
帶小朋友黎食野時都有個地方比佢地放下電
侍應都好nice好主動


總括而言
當日用膳既感覺十分良好
係一間我會再次光顧既餐廳
食物選擇特別 平日出街都少見
平日lunch / tea set / dinner都唔算好貴
各方面水平亦唔錯 


地址 
九龍灣宏光道15號君立酒店地下

電話
2593 2815

營業時間

星期一至日． 07:30 - 20:00